二零一五。二月

二月，係忙碌嘅一個月份。

首先打響頭砲嘅係靜思日活動，

集會開始Ricco就同我地講解下靜思日嘅意義，

今年嘅主題，同埋需要我地去關注嘅話題。

之後我地就開始玩各個有關靜思日活動嘅小遊戲，

最令我地印象深刻就係有關公平貿易之呢條香蕉究竟幾錢呢？

每位隊員都扮演吾同嘅角色，

有種植香蕉嘅農夫，有負責包裝香蕉嘅公司職員，

有負擔批發進出口公司嘅人員，

當然唔少得超級市場嘅擁有者。

究竟我地平時買香蕉付出嘅金錢，有幾多係真正落入農夫手呢？！

呢個小遊戲令我地反思好多，最緊要係能夠推動隊員支持公平貿易嘅小商店。

愈黎愈接近新年啦，當然係一家團聚食個團年飯嘅時刻啦～

我地仲邀請埋各位大師姐，各位評核員黎個熱辣辣BBQ！

唔知大家睇唔睇得出我地嘅Dress code係咩呢:D

 各位招呼吾到呀~ 玩得開心啲~ (小二mode)

都話係團年飯，好似點都有封利是到手開心喎:P

大家即刻排靚隊準備抽由每位隊員寫好左自己心意同埋一啲祝福說話嘅利是，

攞個好意頭呀～

到集會尾聲，當然要拎住充滿愛嘅利是影張大合照啦:D