二零一五。十二月

終於去到一年嘅尾聲　—　十二月啦～

黎到聖誕節，當然唔可以少得一個聖誕趴啦！

噢　聖誕節托它歸家　我阿媽話幾貴架
噢　聖誕節托它歸家　放系廳度閃閃吓

 聖誕節係唔可以缺少一棵聖誕樹嫁！

所以係聖誕趴嘅開始就係先幫自己整一棵聖誕樹。

有左呢棵聖誕樹，即刻為呢個聖誕趴升溫呀～ 

今次我地聖誕趴嘅食物非常豐富嫁:$

有薄餅，壽司，烤雞，薯片等等嘅零食～

而呢個聖誕樹幹蛋糕真係超靚呀B-) 

多謝大師姐Emily嘅贊助～

唔知大家覺得我地著得好紅通通呢haha

其實我地今日呢個聖誕趴都有dress code嫁！

就係要著到成封利是封啦，睇黎大家都好配合啦～

二零一五。十一月

忙碌嘅十一月靜悄悄已經黎到身邊啦～

Dream Catcher大家買得多，

唔知大家有冇諗過試下自己整呢？！

 成班隊員都整到愁眉苦臉，

不過好彩到最後大家都成功整出屬於自己嘅Dream Catcher～

每年一度香港女童軍總會盛事就係周年大會操了！

今年Betsy各位隊員決定唔落草地步操，

而去總會做有關典禮嘅服務～

一班隊員一早就已經精神奕奕咁出現係旺角大球場！

今年Betsy依然繼續獲得Outstanding Unit嘅獎項，

各位隊員要繼續加油為Betsy攞分呀！

適逢Betsy有兩位隊員畢業，

當然要爭取好機會同一班隊員影張大合照啦～

今次我地有幸受到140th Kowloon Group邀請進行聯隊集會，

我地Betsy當然唔可以怠慢對方啦啦～

我地已經計劃好真人版飛行棋作為聯隊遊戲。

係佈置好場地後，Betsy當然先黎一張合照啦！

當140th到達後，大家先黎簡單互相認識一下。

之後就分為四組人開始進行真人版飛行棋啦～

到集會尾聲，大家都未能分出勝負，唯有打成平手。

正所謂比賽第二，友誼第一。

隊同隊之間嘅交流先係最重要呀！

二零一五。十月

十月係各位學生開始努力學習嘅時間，

而我地呢班Air Ranger又點會偷懶呢～

我地係九十月開設左初級航空知識課程，

仲邀請埋其餘幾隊Air Ranger一齊上堂 ！

係課節尾聲，我地一眾課員都同導師MC合照留下回憶～

唔好以為課堂完左就算啦，我地仲有民航處參觀嫁！

當日都係由導師帶領，為我地講解民航處教育徑每一部份。

有Betsy出席參觀，又點會少得Betsy嘅大合照呢～

即刻去相～

多謝Sunny邀請我地出席民航處教育徑嘅參觀！

係呢啲秋涼嘅天氣真係好適合戶外活動！

一班好動嘅Betsy隊員決定黎個快閃桐梓露營:D

一去到營地，我地就即刻時起營。

同埋進行又刺激又期待嘅水Game啦，當然最後我地係由頭濕到落腳啦～

唔好以為去露營就冇啖好食呀！！！

我地全靠自己對巧手煮出一圍好餸呀～

到第二朝，我地煮埋個早餐就準備出營嚕～

今次露營雖然比較少活動同遊戲，但大家都享受今次難得嘅戶外活動。

期待下一次再同各位去露營呀:$

到左十月尾，又係扮鬼扮馬嘅時候啦～

今次我地嘅Dress code係卡通人物，

而一班卡通人物仲會係中上環進行定向比賽tim！

我地有小雲，歌莉，著浴衣嘅千尋，小玉，小丸子，小雲２號同埋Tinker Bell~

去到最後，大家都忘記左比賽呢回事:P

大家都淨係掛住同其他隊員合照～

二零一五。九月

經過七八月暑期，親愛嘅隊員都歸隊了。

而且新隊員第一次正式翻集會嚕～

為左俾新舊隊有好好嘅交流同合作，整野食係一個吾錯嘅選擇！

而今次決定整嘅係湯圓。

新舊隊員齊心合力去搓出史上最靚仔嘅湯圓皮！

大家為左辨認出自己嘅湯圓，都出盡辦法去搓出與眾不同嘅湯圓。

除左湯圓之外，個湯底都好重要啦啦！

為左迎合大家口味，我地煲左有薑同冇薑遷就每位隊員口味。

大家都有碗熱辣辣自家製湯圓，希望大家甜到入心呀<3 p="">

唔知大家記唔記得每年宣誓典禮時會頒發嘅初階獎章呢？！

其中一項會需要隊員籌劃及帶領一次集會，

而今次有Alvina同Sarah！

佢地今次教我地整玫瑰立體卡，

每位隊員都好俾心機去學呀～

而咁啱今次集會係慶祝七八九月生日嘅燾星，

又係生日蛋糕出場啦！！

Happy Birthday, Betsians

二零一五。七月

夏日炎炎之暑假來到了！

Betsy各隊員都各自各精彩，而女童軍總會都舉辦左唔少活動俾我參加。

第一炮　—　與廣州來的青少年團體交流並進行營火燈

先教授各位來自廣州嘅青少年一些較簡單嘅營火歌

然後來至不同隊嘅Air Ranger一齊黎搭個營火架先~

最後，熊熊烈火升起。

正式為當晚營火會點起一個開始。

第二炮　—　100週年壁畫製作

適逢香港女童軍總會正步向100週年，

一連串嘅慶祝活動接種而來。

今次就係為100週年製作壁畫！

我地嘅隊員十分專心地為壁畫填上顏色。

到活動尾聲，壁畫都順利完成了！

隊員們當然要係壁畫前影相留念啦～

第三炮　—　機艙服務員興趣證書

身為Air Ranger，點少得一張機艙服務員嘅興趣證書呢？！

所以我地隊員十分踴躍咁參加！

當日我地去左國泰城上左一日嘅課堂，

教授有關機艙嘅膳食供應，服務準備，飲食文化同化妝技巧等等

我地仲有得去模擬機艙模擬一下平時機艙服務員點樣派餐～

仲有得食飛機餐呀！

到最後，真係非常感激國泰城兩位導師耐心嘅教導。

辛苦你地啦！

而忙碌嘅七月就咁完結了。

二零一五。六月

為左證明我地係入得廚房出得廳堂，

係時候到我地大展身手。

去到六月，

到左要紀念屈原嘅時候，

咁我地當然要包下餃子啦啦～

而我地今次仲非常健康地包　素。菜。餃。

            

首先各位隊員都好俾心機要切好材料，

有木耳，椰菜，甘筍同冬菇～

之後就可以開始包餃子啦，大家都出動家鄉包餃法！

最好笑有隊員自創出軍艦餃，就係上圖圓滾滾大大隻個粒啦:P

經過快速烹調後，自製香噴噴餃子有得食啦！

大家都食得津津有味呀！

唔知下次大家再煮咩野食去展示一下自己嘅廚藝呢？！